هديه لكل عضو..في المنتدى

السلام عليكم ورحمة الله وبركاته

هدية لكل عضو فى المنتدى
كيف نجعل من هذا المنتدى الأفضل من بين المنتديات ؟


هلااااااااا بأعضاء منتديات درب المحبه الغالين على قلبي

بصراحة لو ماعجبني المنتدى واعضائه ما تعبت نفسي اشارك او اكتب هذا الموضوع

نبدأ

* ماهو المنتدى؟

المنتدى هو بيتك الثاني وفيه اصدقائك واخوانك يشاركون معك في المعرفه وفي المزح ويزعلون لزعلك ويفرحون لفرحك

وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصدقائه بهذا الشئ

فكيفه نجعل منتدانا هو الأفضل ؟


الحل بسيط جداً


* اولاً ** (( تشجيع الأعضاء الجدد ))
هذي هي البدايه وأنت أكيد تتذكر أول يوم جيت فيه للمنتدى وكتبت موضوع وكم تمنيت يرد عليه الكل وبتشجيعنا للأعضاء الجدد فنحن نحثّهم على الإبداع فمنهم سيخرج لنا كتّاب رائعين في الأدب والشعر وكتّاب متميزين في الصرقعه أو في أي مجالات أخرى
والعضو اللي دايم يكون الأول في الترحيب >>>يسمى "حبيب وقلبه طيب"


* ثانياً ** (( قبل أن تكتب أي موضوع في أي قسم معين يجب أن ترد على موضوعين اوثلاثة او اكثر ))

وهذا شئ مهم جداً لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثّه على الإبداع أكثر فاكثر وأنت إذا ردّيت على مواضيعهم الكل بيرد على موضوعك إذا كان يستحق .
والعضو الي دايم يرد على المواضيع >>>يسمى "محبوب الكل"

* ثالثاً ** (( تشجيع المواضيع التي يكتبها أصحابها ))

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات
أكتب فكره أو معلومه أو انقل من كتاب او مجلة مايستحق النشر
والعضو الي دايم يكتب مواضيعه بنفسه>>>يسمى "نشيط ومتميز"


رابعاً ** (( الكلمة السحرية ))
وهي أن تكتب كلمة ( شكراً على هذا الموضوع ) كلمات قليله ماراح تتعبك او تنقص من قدرك او كبريائك المزيّف وكثير مانشوف مواضيع عدد قرّائها فوق السبعين او الثمانين ومن هؤلاء فقد يرد على صاحب الموضوع واحد او اثنين وأكثر الأحيان تجد الموضوع خالي من أي رد ..!!
يعني انت تبي الكل يرد على موضوعك وانت يابعدي ماتكلّف على عمرك وتجامل صاحب الموضوع .. اجل وشهوله تشارك وتتعب عمرك
والعضو الي دايم يشارك ويحث الاعضاء على المشاركه >>>يسمى "ياحبنيلك"

خامساً ** (( محاربة الشليله ))
وهذا أكبر خطر يهدد أي منتدى وكثير من المنتديات هرب منها اعضائها لهذا السبب والشليله هي أن يتفق الأعضاء ويقولون ( احنا والله شلّه ارتحنا لبعض ومانبي واحد جديد يخش بينا والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني وخلاص انتهى المنتدى وصار ممل والأصرف انه يتقفل
والعضو اللي كذا>>>يسمى "قريح الطواعين"


سادساً ** (( التواصل بين الأعضاء ))
التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك وتجي للمنتدى والكل مشتاقين لك ويسألون عنك أكيد بتشقق من الفرحه ومحد قدّك )
والعضو اللي دايم يسأل عن الاعضاء>>>يسمى "ياطيب القلب وينك"


سابعاً ** (( التقليل من المواضيع المنقوله ))
بعض الموضيع مهمه ويجب أن تنقل وتنتشر في كل المنتديات لكن مسألة انك تشوف اي موضوع يعجبك وتنقله لا ويمكن يكتب عشر مواضيع في اليوم ( تخصص قص ولصق )اجل وشهوله اتعب نفسي واشترك في المنتدى !! .. اجل اقرا جريده او مجله او اتابع الاخبار في التلفزيون اصرف
والعضو اللي كذا>>>يسمى "مخربها"



ثامناً ** (( لاتصير خفيف وثقليل طينه ))
يجيك عضو يكتب كل يوم عشر مواضيع وفي كل قسم يمحط له ست مواضيع من زود الفضاوه ويالله يالله نرد على نص مواضيعه ولا نلحّق
والعضو هذا>>>يسمى "الغثيث" <<<زيي


تاسعاً ** (( التقليل من المشاكل والهوشات ))
يعني ثنين مقاريد تهاوشوا وقلبوا المنتدى فوق حدر وكل واحد معه عجرا لاويجيب فزعه من ربعه الخاصين!!!
( ياخي بينك وبين اي عضو مشكله او ردّه ماعجبك او لك ملاحظه ياخي ارسلّه على الخاص وتفاهم أنت وياه بدون مايدرون الأعضاء )
والعضو هذا>>>يسمى "المشكلجي او العربجي"



عاشراً ** (( خلك ذرب يالمطفوق ))يجي عضو ويتعب ويكتب موضوع جاد ومهم ويتوقع انه بيرد عليه ويناقشه الكل ثم يجيك ذاك العضو اللي مايدري وين الله حذفه ويرد رد زي وجهه والموضوع في شمال وهو يرد شرق ويخرب الموضوع او يقلبه شات
( المواضيع الجاده والمهمه تحتاج الى رد جاد والمواضيع الساخره او المصرقعه يرد عليها برد ساخر او مهبول )
والعضو الي يرد برد في جهه والموضوع في جهه>>>يسمى "حويل دجّه"



وأخيراً

المنتدى ليس بعدد اعضائه بل بترابطهم كالأسرة الواحده
كما قال رسول الله عليه افضل الصلاة والسلام (( مثل المؤمنين في توادّهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقوله عليه السلام (( المؤمن للمؤمن كالبنيان يشد بعضه بعضا )) يا شباب انا ما كتبت الموضوع هذا اللا عشان اني شفت المنتدى مااااافييه تفااااعل...ياشباااب نبغا المنتدى يصير أحسن منتدى بين المنتديات .. انتبهو لبيتكم الثاني..ياااشباااب انتبهو...
شاكر لكم لسعة بالكم لقراءة هذا الموضوع
__

شاكرلك تحمسك ونشجيعك وانشاء الله يكووون من احسن المنتديات حن قريب انشاء الله

مشكووور أخوي على المرور

مشكوور خيو ع الموضوع